WASHINGTON D.C. , Merca – Presidente di Merca, Barack Obama, a firma diahuebs un declaracion di emergencia pa e estado di Florida pa loke ta e menasa di horcan Matthew, di categoria 4 y “extremadamente peligroso.”
E declaracion firma pa Obama ta permiti destina e ayudo federal na e esfuersonan estatal y local pa haci frente na e “condicionnan di emergencia” provoca pa Matthew, cu ta aproxima e costa zuidoost di Florida.
Gobernador di Florida, Rick Scott, a adverti awe durante un rueda di prensa cu “miyones di Floridano lo bay keda sin coriente”, tras e embate di e horcan, cu ya a pasa Colombia, Venezuela, Republica Dominicana, Haiti, Cuba y Bahamas, lagando awaseronan torencial y bientonan fuerte den zonanan unda cu el a toca tera.
Fuente: NTN24