WASHINGTON D.C., Merca – Presidente Barack Obama a adverti diahuebs contra bira inmuun na e declaracionnan extravagante di e candidato Republicano Donald Trump.
“Hende ta cuminsa pensa cu un comportamento cu den temponan normal nos ta considera completamente inaceptabel y indignante ta normalisa,” Obama a bisa den un conferencia di prensa na Laos.
“Esaki ta un asunto serio. Uno mester sa di kico e ta papiano y mester a haci su huiswerk y ora e papia, esaki mester refleha na e politica cu por implementa,” el a agrega.
El a reitera su punto di bista riba Trump, no ta cualifica pa suscede den e Oficina oval. “CAda biaha e ta papia e opinion aki, e ta confirma.”
“Mi ta kere cu lo mas importante pa e publico y pa prensa, ta cu tanto e candidato Republicano, como e candidato Democrata, Hillary Clinton, lo participa separadamente den un forum riba e siguridad organisa pa NBC.
Den e forum, e Comandante den Hefe, di NBC, Trump a elogia e lider Ruso, Vladimir Putin y a critica Obama.
“Ciertamente, den e sistema ey, e tabata un lider, mucho mas cu nos presidente,” el a bisa.
Ademas, el a causa un gran controversia pa defende un tweet di 2013 caminda cu a sugeri cu e asaltonan sexual den ehercito ta resultado cu e muhenan ta sirbi den forsnan arma.
Fuente: CNN en Español