AMSTERDAM, Hulanda – Nuebe habitante di un portiekflat den Sumatrastraat na Amsterdam, a wordo hiba hospital awe merdia (ora di Hulanda) despues cu un alarma di carbonmonoxide a bay of. Algun hende mas mester a sali for di na cas.
Habitantenan a yama despues di e alarma brandweer, cu a constata cu den un di e viviendanan e nivel di carbonmonoxide ta demasiado halto. Motibo di e alarma tabata un cv-ketel cu no tabata trahando bon riba di tres piso, brandweer a bisa.
“Nos ta na bida”
Cerca viviendanan caminda cu e habitantenan no tabata na cas, brandweer mester a kibra nan porba. Habitante Mark no tabata tin ningun problema pa bin para pafo den friu. “Nos ta na bida ainda, esey ta mas importante.”
Un total di 13 habitante a wordo trata pa personal di ambulans, di cual 9 di nan a wordo hospitalisa pa mas tratamento.
Fuente: RTL Nieuws