BARCELONA, Spaña – Nuebe persona a keda deteni den un operacion antiterorista cu a tuma luga diamars pa e Mossos d’Esquadra, polisnan autonomico di Cataluña, den e area metropolitano di Barcelona.
Autoridadnan Catalan a informa cu varios di e detenidonan ta relaciona cu e arestadonan pa e atentadonan na e metro y aeropuerto di Brussel na 2016, segun un comunicado di los Mossos d’Esquadra.
Los Mossos a haci entrada y registro den 12 domicilio di e localidd di Barcelona, L’Hospitalet de Llobregat, Santa Colomba de Gramenet, Ripollet, Cornella de Llobregat y Masquefa, desde e prome oranan di diamars, nan a informa den un comunicado.
E nuebe detenidonan, tur ta hende homber entre 30 y 40 aña, uno di nacionalidad Spaño y e resto di nacionalidad Maroki, a wordo deteni pa integracion den organisacion terorista y pa otro delitonan relaciona cu crimen organisa. Mayoria tin antecedente policial pa delincuencia cmun y actividdanan di crimen organisa.
E operativo aki, contra terorismo Yihadista a conta cu colaboracion di autoridadnan Belga y ta den e fase final di un investigacion cu a cuminsa ocho luna pasa.
Segun autoridadnan, atrabes di e analisis di informacion procedente di e colaboracion ciudadano y di labornan di prevencion, e “agentenan por a determina e existencia di un grupo organisa relaciona cu terorismo den e ambito Yihadista cu tambe tabata haci actividadnan dilencuencial vincula cu crimen organisa.”
Fuente: CNN en Español