ASSEN, Hulanda – Nuebe mucha homber di 16 aña a bebe dimas durante e TT-Feest na Assen. Nan a wordo venena cu alcohol y a bay hospital, segun un trahado di Wilhelmina Ziekenhuis na Assen, a meld riba Twitter.
Un vocero di e hospital, a confirma cu tin mas mucha cu a drenta hospital, pero no por a bisa precisamente cuanto. E muchanan y nan mayornan a wordo atendi pa un pediatras pa asina ricibi e informacion riba e efectonan dañino di mal uzo di alcohol.
No den coma
E pashentnan hoben a wordo hiba hospital riba e anochi di diabierna pa disabra door di polis of testigonan. E vocero a laga sa cu e victimanan no tabata den coma.
Fuente: www.rtl.nl