Retencion di likido, tambe yama hidropesia of edema, ta un trastorno hopi comun cu ta tuma luga ora cu likidonan ta acumula di forma excesivo den e tehidonan di e curpa. No ta trata di un enfermedad riba su mes, sino cu e ta un sintoma di algun patologia manera, por ehempel, hipertension arterial, insuficiencia renal of artritis.
E por manifesta cu un evidente inflamacion den e miembronan (brasa y pianan), aunke algun biaha e por produci dolor y un fuerte sensacion di cansancio.
Su aparicion tambe ta vincula cu sedentarismo, cambionan hormonal y consumo excesivo di salo.
Pa suerte, poniendo den practica algunr ecomendacion esaki por wordo preveni y purba prome cu e genera otro tipo di complicacion.
A continuacion nos ta comparti cu boso en detaye e 9 mihonan:
1. Aumenta e consumo di awa
E consumo diario di awa durante e hornada ta un di e formanan mas eficas di evita retencion di likido y e exceso di inflamacion.
Contrario na loke algun hende ta pensa, consumo di likido no ta empeora e retencion, sino cu e ta stimula su expulsion atrabes di urina.
Awwa ta stimula e actividad di e riñonnan, ta facilita e proceso di filtracion di sanger y ta remove e sushi cu ta acumula den e curpa.
2. Limita consumo di salo
Ta comproba cu mayoria id hende ta consumi mas di e dobel di e cantidad recomenda di salo.
E producto aki, aunke ta necesario den cierto midi, ta altera e procesonan inflamatorio di e curpa y ta empeora e casonan di hidropesia.
Lo mas preocupante ta cu hopi ta ignora cu tambe ta presente den cumindanan manera:
Sasonnan industrial
Enpaketa y den bleki
Cumindanan precushina
Algun keshi
Popcorn
Cosnan hasa y snacks
3. Inclui alimentonan fresco den e dieet.
Alimentonan fresco manera fruta y vegetal tin compuestonan natural cu ta yuda enfrenta e retencion di likido.
Su rikesa den antioxidante, awa y fibra ta eherce un efecto diuretico cu ta facilita e control di edema, inflamacion y e sensacion di ta pisa.
E ta conta cu carbohidratonan esencial, proteina y mineral cu, na momento di wordo absorbi, ta impedi cu e fluidonan acumula den e tehidonan.
4. Realisa ehercisio regular
E practica diario of regular di ehercisio fisico ta un di e clavenan pa combati y preveni casonan di retencion di likido.
E tipo di actividadnan aki ta stimula e funcion di e sistema circulatorio y linfatico, di modo cu e ta facilita e eliminacion di e sushi cu e sanger ta retene.
Tambe ta stimula e actividad renal y ta aumenta e produccion di urina pa logra un optimo expulsion di e fluidonan.
Ademas, ta un forma eficas di mantene e sobrepeso y obesidad aleha, ya cu ambos ta influencia di forma negativo den e problema aki.
5. Evita paña demasiado preta
Ta bon pa hopi, ta un acto inofensivo, e uzo di paña demasiado preta por crea consecuencianan negativo den e curpa.
No solamente e ta impedi un bon circulacion sino cu, cu tempo, ta dificulta e expulsion corecto di likido for di e tehidonan.
6. Reactiva circulacion
E habitonan di bida saludabel, baña cu awa friu y massage ta formanan simpel di reactiva e circulacion di sanger ora cu ta presenta dificultadnan den e drenahe di likido.
Den ocasion, e inflamacion di brasa y pianan (extremidadnan) y e sensacion di dolor ta e resultado di un insuficiencia circulatorio cu ta impedi e paso corecto di e fluho di sanger.
E uzo di crema cu efecto vascular y infusionnan tambe ta solucion contra e problemanan aki.
7. Descansa bon
Descanso ta determinando pa tin un bon salud circulatorio y linfatico. Aunke algun ta ignora, ora di descansa, ta relaha e musculonan y e circulacion ta bay cu mas facilidad.
Esey ta reduci e tendencia den acumula likido y, di paso, ta participa den e procesonan cu ta encarga di controla e inflamacion.
8. Hisa bo pianan
Elevacion di pia ta un solucion eficas ora cu e retencion ta genera den e parti mas abao di e curpa.
E postura aki ta facilita e retorno di sanger pa e curason y, di paso, ta promove eliminacion di e likidonan wanta.
Na su banda, e ta eheerce un efecto relahante y antiinflamatorio cu ta controla e sensacion di dolor, hincamenot y otro sintomanan asocia.
9. Controla e peso corporal
E exceso di peso corporal ta un di e causanan principal di edema y inflamacion. Dado cu e condicion aki ta implica un sobresfuerso pa e organismo, ta comun cu e ta desencadena problemanan den e circulacion di sanger y eliminacion di e fluidonan.
Ta primordial pa mantene un peso stabil y ekilibra, sigui un alimentacion balansa y practica ehercicio.
Tur e consehonan aki ta util tanto pa preveni como pa trata e problemanan di retencion di likido.
Asina mes, semper ta conveniente solicita ayudo medico pa determina cual ta su origen.
Fuente: Mejor con salud