“E aire na Dehli ta birando pio. Den tal situacio, salud di e muchanan no por wordo comprometi. Tur scol na New Delhi a ricibi instrucción di keda cera te cu diadomingo”, Manish Sisodia, vice minister di Delhi a informa.
Ademas a registra tardansa den mas di 20 vuelo y e limita visibilidad riba caminda. E servicio di trein tambe a sufri retraso.
Episodionan manera esun di contaminacion ta normal entre herfst y winter na New Delhi.
E sistema di calidad di aire, prevision y investigacion di tempo (Safar) a indica na e habitantenan di e capital Indio pa cera bentananan, haci e cas limpi frecuentemente cu un paña muha y evita di kima cualkier cos, manera palo, bela of incluso, siencia.
E nubia di contaminacion ta afecta Pakistan tambe. Den e ciudad di Lahore tin hospitalisacionnan masivo, vuelonan cancela y modificacionnan den horarionan escolar.
Fuente: http://www.noticiasrcn.com/