Aki ta sigui noticianan policial di parti Cuerpo Policial Curacao cu sucedidonan di diabierna 16 September 2017. /////////
Detenshon relashoná ku maltrato ku arma.
Djabièrnè 15 di sèptèmber 2017, alrededor di 16.45 or, Sentral di Polis a dirigí un unidat polisial na un kas na Ser’i Kandela pa un kaso di maltrato. Na e sitio polis a topa ku un hòmber ku un kòrtá basta profundo na su pia robes ku tabata sangra bastante.
For di un investigashon preliminar ku polis a realisá na e sitio a resultá ku un pareha tabatin pleitu ku otro. E hòmber durante di e pleitu a dal e dama i esaki na su turno a manda e hòmber ku un kuchú ku e resultado ariba menshoná.
Na e sitio polis e detené e dama sospechoso S.M.S. nasé na Santo Domingo di 33 aña di edat, pa maltrato ku arma.
E víktima a keda transportá ku ambulans pa SEHOS pa tratamentu.
A presentá e sospechoso dilanti di un Fiskal Ouksiliar.
—————————————————————
Detenshon di un sospechoso pa menasa.
Despues ku un persona a menasá un mandatario riba Facebook resientemente, e departamentu spesialisá di polis den tipo di kasonan asinaki a kuminsá ku un investigashon profundo den e kaso aki. Resultado di e investigashon aki a kondusí ku djasabra 16 di sèptèmber 2017, alrededor di 09.20 or, polis a detené e homber J.G.D., nasé na Kòrsou, 34 aña di edat komo sospechoso di menasa.
A presentá e sospechoso dilanti di un Fiskal Ouksiliar.
—————————————————————
Detenshon relashoná ku destrukshon.
Djabièrnè 15 di sèptèmber 2017, alrededor di 14.17 or, Sentral di Polis a dirigí un unidat polisial na un kas den bario di Eendracht pa un kaso di destrukshon.
For di un investigashon preliminar ku polis a realisa na e kas en kestion a resultá ku tabata tin un problema familiar.
Aparentemente un yu muhé a kometé destrukshon den e kas. Den pasado e la yega di hasi esaki kaba.
En konekshon ku e destrukshon aki polis a detené dama sospechoso R.Y.A.G. nasé na Hulanda di 22 aña di edat na e sitio mes.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.
—————————————————————
Control di trafiko
Djabièrnè 15 di sèptèmber 2017, personal di HITeam konhuntamente ku personal di UST, a tene kontròl di tráfiko riba Kaya Gutierez i Geraldina. E kontròlnan aki a tuma lugá entre
10.05 or di mainta pa 12.00 or di mèrdia.
Polis a partí un total di 24 prosèsverbal pa e siguiente infrakshonnan:
Manehá un vehíkulo sin faha di seguridat 16
Manehá un vehíkulo sin reibeweis bálido 2
Manehá un vehíkulo sin karchi di kùr/kaduká 1
Manehá un vehíkulo sin seguro bálido 3
Manehá un vehíkulo sin number pagá 1
Bentana di e vehíkulo di plak skur 1
Durante di e kontròl aki polis a konfiská tres (3) vehíkulo, kual nan a keda transportá ku
kran pa Kurá.
E kontròlnan ta kontinuá.