Noticianan policial di Boneiro 8 y 9 December 2016

0

Kralendijk Boneiro: Aki ta sigui noticianan di Polis di Boneiro relaciona cu algun sucedido.

Ladronisia di tayer di outo
Riba djabièrnè 9 di novèmber a drenta keho di ladronisia di kuater tayer di outo inkluso nan rim. E outo tabata stashoná riba Kaya Finlandia. E ladronisia a tuma lugá entre djaweps 8 di desèmber pa mas o ménos 9.30 or di anochi i djabièrnè 9 di desèmber pa mas o ménos 6.30 or di mainta. E kaso ta bou di investigashon.

Outo a dal siklista riba Kaya Nikiboko Sùit
Riba djaweps 8 di desèmber un aksidente entre un outo i un baiskel a tuma lugá. E outo ku tabata koriendo den direkshon sùit riba Kaya Nikiboko Sùit na altura di e promé rotònde ku ta konektá Kaya Kanari, Kaya Nikiboko Sùit i Kaya Betico Croes ku otro, tabata ke a kita bai na su man drechi pa sigui riba Kaya Nikiboko Sùit. Na e momentu ei un siklista a dal den e outo dor ku esaki ke a sigui bai stret pa subi Kaya Kanari. E siklista  no tabatin herida visibel pero a transporte ku ambulans pa hospital pa kontrol médiko.

Kontrol di tráfiko na Kaya Amsterdam
Riba djaweps 8 di desèmber den oranan di atardi un kontrol di tráfiko a tuma lugá na Kaya Amsterdam, kaminda nan a parti but pa entre otro falta di un plachi di number bálido, pa no tin papelnan di seguro bálido ni reibeweis.