Kralendijk Boneiro – Siguiente mente ta sigui algun relato di Noticianan Policial di Boneiro relaciona cu algun sucedido cu Polis a presenta como asistencia.
Kaso di suisidio
Djasabra 3 di sèptèmber den oranan di mainta a drenta notifikashon na polis ku lo a enkontrá un hende hòmber ku no ta duna señal di bida i ku probablemente lo ta trata di un kaso di suisidio. Polis a bai na e bibienda en kuestion den e bario di Belnem. Dòkter di polis a hasi su investigashon riba e defuntu i polis a hasi su investigashon den e bibienda kaminda e defuntu tabata biba pa sa kiko e sirkunstansia eksakto di e kaso lamentabel aki ta i e identidat eksakto di e defuntu. Pa awor esaki ta úniko informashon ku por duna den e kaso aki.
Kiebro den kas situá na Kaya Mendelsson
Riba djasabra 3 di sèptèmber a drenta keho di kiebro den un kas situá na Kaya Mendelsson. A bai ku entre otro dos televishon i un tas ku un mashin di feita komo kontenido. E kaso ta bou di investigashon.
Aksidente riba Kaminda Gurubu
Riba djadumingu 4 di sèptèmber pa mas o ménos 11 or di anochi un aksidente a tuma lugá riba Kaminda Gurubu. Un bròmer a dal den un buriku. Ambulans a transportá e shofùr i pasahero di e bròmer tur dos pa hospital pa tratamentu médiko.