Noticianan di Polis na Boneiro: Destrukshon, outo na kandela i ladronisia

0

Boneiro: Riba djabièrnè 17 di mart a drenta keho di ladronisia di un tas di lomba kolo pretu for di un outo, ku komo kontenido entre otro, un pòtmòni, un telefòn selular di marka Samsung, yabinan di kas, yabinan di hotèl, etc. E ladronisia a tuma lugá entre 3.20 or i 3.30 or di atardi ora e outo tabata stashoná na Boca Onima den besindario di e kuebanan ku pintura di indjan. Mas lat riba e mesun dia pa mas o ménos 10 or di anochi a drenta notifikashon ku tin un outo na kandela. E outo tabata stashoná kantu di kaminda riba Kaya Caribe. Brantwer a bini na e sitio i a paga e kandela. Kousa di e kandela no ta konosí. Siguiente dia, djasabra 18 di mart, alrededor di 5 or di mainta, a drenta keho di destrukshon di e winshil di un outo. Esaki tabata stashoná den kura di un kas situá na Kaya Gloria. Doño di e kas a gara e sospechoso pero esaki a logra hui.