Noticianan di Polis Boneiro: Detenshonnan, kiebro i ladronisianan

0

Boneiro: Riba djárason 5 di aprel a detené un hòmber di inisialnan A.V.C.M. i un hòmber di inisialnan J.D.G.M. na Kaya Para Mira na Rincon en konekshon ku infrakshon di Lei di Opio. Riba e mesun dia a drenta keho tambe di ladronisia di mosaiko for di un kas den konstrukshon situá na Kaya Virgo. E ladronisia a tuma lugá entre djamars 4 di aprel, pa mas o ménos 6.30 or di atardi i djárason 5 di aprel pa ma so ménos 7.30 or di mainta. Riba djaweps 6 di aprel a drenta keho di ladronisia di un skuter kolo blanku di marka Sym Symply, numerá MF-1049. E skuter tabata stashoná dilanti di un kas situá na Kaya Tonkawa i a bai kuné entre djárason 5 di aprel alrededor di 10 or di anochi i djaweps 6 di aprel , alrededor di 7 or di mainta. Mas lat riba e mesun dia a drenta keho di ladronisia di un outo kolo krèm di marka Opel Monterey, numerá B-5987. E outo tabata stashoná na e sitio di sambuyá Andrea II I bai kuné entre 10 or i 10.30 or di mainta. Den oranan di atardi riba e mesun dia a drenta keho di ladronisia di un skuter kolo krèm di marka La Souris, numerá MF-764. E skuter tabata stashoná na un kas situá den Kaya Piedra Presioso I bai kuné entre djárason 5 di aprel pa mas o ménos 10.30 or di anochi i djaweps 6 di aprel pa mas o ménos 1.30 or di atardi. Riba djabièrnè 7 di aprel a drenta keho di ladronisia di dos tayer di outo for di un outo ku tabata stashoná dilanti di un kas situá na Kaya Neerlandia. E ladronisia a tuma lugá entre djaweps 6 di aprel pa mas o ménos 9 or di anochi i djabièrnè 7 di aprel pa mas o ménos 10.30 or di mainta. Riba e mesun dia a drenta keho di ladronisia for di un outo ku tabata stashoná riba e tereno di stashoná di un akomodashon turístiko situá na Bulevar Gobernador Nicolaas Debrot. A bai ku entre otro un sèt di hala rosea outomátiko di i un pòtmòni ku sèn kèsh. E ladronisia a tuma lugá entre 9.30 or I 11.15 or di mainta. Riba djadumingu 9 di aprel a drenta keho di kiebro den un kas situá na Bona Bista. A bai ku entre otro un baiskel, un tablet, un kámara i un ‘sound system’.
Tur e kaso nan ta bou di investigashon.