Noticia Policial Curacao: Detencion ladronicianan, maltrato cu arma

0

Aki ta sigui algun comunicado di Cuerpo Policial Curacao relaciona cu noticianan policial.

Detenshon pa ladronisia di outo.

Djamars 24 di òktober 2017, alrededor di 11.27 or di mainta, polis a detené un trahadó di un kompania di seguridat ku ta hasi trabou di vigilansia na Kurá.
Detenshon di e sospechoso A.J.W. nasé na Kòrsou di 23 aña di edat, ta relashoná ku ladronisia di outo i enkubrimentu.
A presentá e sospechoso dilanti un Fiskal Ouksiliar.

********************************

Detenshon di un sospechoso pa ladronisia di outo i enkubrimentu

Djaluna 23 di òktober 2017, alrededor di 09.00 or a tene un entrada Hudisial na Monte Verde i a detené un sospechoso pa ladronisia i enkubrimentu di outo.
Awe 23 òktober 2017, alrededor di 09.00 or e tim di e proyekto kontra ladronisia di outo (Proyekto CANUS)a tene un entrada hudisial -bou di guia di un Fiskal di Ministerio Públiko i den presensia di un Hues Komisario- na Monte Verde pa kaso(nan) di ladronisia di outo. E investigashon aki tin un ratu kaba andando i a kulminá awe den un detenshon mas. E investigashon aki ta sumamente importante den e kuadro di ladronisia di outo i piesa(nan) di outo i benta di esakinan na tersera.
Na e adrès na Monte Verde polis a detené e hòmber sospechoso J.E.L.V., nasé na Kòrsou, 38 aña di edat.
Durante di un investigashon den e kas, polis a haña i konfiská diferente dokumento i piesanan di outo.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.
E investigashon den e kaso aki ta kontinuá.

********************************

Detenshon relashoná ku maltrato ku arma, destrukshon i menasa.

Djaluna 23 di òktober 2017, alrededor di 00.17 or, Sentral di Polis a dirigí un unidat polisial na un kas den área di Marchena pa un kaso di destrukshon i maltrato ku arma.
For di un investigashon preliminar ku polis a realisá na e sitio un abitante di e kas a deklará ku nan tabata drumí i diripiente nan a tende e schuifdeur kibra i un dama a drenta den kas. E dama aki a agredí un dama abitante di e kas ku un pida pipa di heru.
Despues di su akto e dama a bandoná e kas.
Mas lat alrededor di 02.04 or e dama a bolbe bèk i a menasá e abitante ku e la agredí un ratu promé ku morto.
Polis ku a keda dirigí atrobe na e kas a topa ku e sospechoso, e dama R.E.B. nasé na Kòrsou di 19 aña di edat i a detené.
E dama víktima a bai poli pa tratamentu médiko pa e heridanan ku e la risibí.
A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.