Noticia Policial Boneiro, kiebro, auto horta, accidente y ladronicia

0

Kralendijk Boneiro: AKi ta sigui algun noticia policial di parti Boneiro. Kiebro i sobra di outo haña bek
Riba djamars 9 di mei a drenta keho di kiebro den un kas situá na Kaya Paloma. A bai ku entre otro dos telefòn selular i algun joya. E kiebro a tuma lugá entre 7.30 or di mainta i 3.30 or di atardi. Mas lat riba e dia a bin topa ku herante di un pikòp den besindario di Plantashi Aruba. Despues di un investigashon kòrtiku a informá doño. E ta sòru pa kita e herante.

 

Kiebronan, aksidente na trabou i ladronisia
Riba djabièrnè 5 di mei a drenta keho di kiebro den un akomodashon turístiko situá na Bulevar Gobernador Nicolaas Debrot. For di aki a bai ku un kòmpiuter di sambuyá i un spiker ‘bluetooth’. E kiebro a tuma lugá entre djaweps 4 di mei, alrededor di 10 or di anochi i djabièrnè 5 di mei, alrededor di 7.45 or di mainta. Den oranan di atardi un aksidente di trabou a tuma lugá den un garashi situá na Kaya Londres. Na momentu ku un mekániko tabata ku trabounan na e parti dilanti di un pikòp, un otro trahadó a start e outo ku a kore bai dilanti i a dal e mekániko na altura di si hep.  A transportá e víktima ku ambulans pa hospital pa kontrol médiko.

Riba djasabra 6 di mei a drenta keho di ladronisia  di un outo kolo bèrdè di marka Subaru Forester, numerá B-7485. Entre 2 or di mardugá i 9.30 or di mainta a bai ku e outo ku tabata stashon dilanti di un kas situá na Kaya Katwijk. Pa mas o ménos 10.15 or di mainta e doño mes a topa ku e outo den mondi den besindario di Kaya Korona. E doño a bai wak einan riba tep di un konosí. A kibra e tapa di e lòk di kontakto i a sake afó.

Riba djadumingu 7 di mei a drenta keho di kiebro den un pakus di sambuyá situá na Bulevar Gobernador Nicolaas Debrot. A bai ku diferente pida paña. E kiebro a tuma lugá pa mas o ménos 3.30 or di mardugá.