Kralendijk Boneiro: Aki ta sigui e noticianan di Polis for di Boneiro.
Ladronisia na Kaya Hoba
Riba djamars 7 di febrüari a drenta keho di ladronisia di un motor di boto. E motor tabata den un barí den kura di un kas situá na Kaya Hoba. E ladronisia a tuma lugá entre djaluna 6 di febrüari pa mas o ménos 8 or di anochi i djamars pa mas o ménos 3.15 or di atardi. Ta investigando e kaso.
Kiebro den kas na Kaya Gloria
Riba djamars 7 di febrüari a drenta keho di kiebro den un kas situá na Kaya Gloria. A bai ku entre otro un kámara di saka potrèt kolo pretu i sèn kèsh. E kiebro a tuma lugá entre 9 or di mainta i 1.45 or di atardi. E kaso ta bou di investigashon.
Ladronisia di skuter na Kaya Jupiter
Riba djamars 7 di febrüari a drenta keho di ladronisia di un skuter koló pretu i plata, di marka Kymco, numerá MF-204. E skuter tabata stashoná den kura di un kas situá na Kaya Jupiter i tabata na lòk ku un lòk di kadena. E ladronisia a tuma lugá entre djaluna 6 di febrüari pa mas o ménos 6 or di atardi i djamars 7 di febrüari pa mas o ménos 9 or di mainta. Ta investigando e kaso.
Ladronisia di outo riba E.E.G. Bulevar
Riba djaluna 6 di febrüari a drenta keho di ladronisia di un outo kolo shinishi di marka Mazda, numerá V-2437. E outo tabatin basta ekipo pa sambuya den dje i tabata stashoná riba un tereno di stashoná kantu di kaminda, di un akomodashon turístiko. E ladronisia a tuma lugá entre djadumingu 5 di febrüari pa mas o ménos 11.30 or di anochi i djaluna 6 di febrüari pa mas o ménos 9 or di mainta. Ta investigando e kaso.