Departamento di Asuntonan Economico, Comercio y Industria y Exprodesk (DEZHI)a cuminsa cu un proyecto pa exporta loke Aruba ta traha y haci. Musica ta prome pero nos tin hopi mas pa cual aki Sra. Susanne van Nes ta splica e meta pa 2018.
E Proyecto Exportando Creatividad di DEZHI a tene un actividad di gratitud pa e sosten pa e Proyecto ta exitoso. Nan a invita tur e musiconan cu a haya un exportplan den e period tras di lomba. E 5 personana lo bay haya un gradicimento special. E personanan aki a participa den diferente workshopnan.
Otro stakeholdernan importante cu a yuda duna informacion pa con pa exporta bo musica, tabata Departamento di Cultura, PwC, CEXP, Qredits cu conhuntamente a traha hunto pa haci esaki exitoso.
Exprodesk a habri den e luna di September y nan prome Proyecto tabata enfoca ariba e sector creativo. Esaki ta un grupo cu productonan cu nan tin di exportacion ta sumamente valioso, pa crea un proximo plan economico. Exprodesk a wordo lanta door di Departamento di Asuntonan Economico, cu e meta principal ta pa guia y stimula exportacion di productonan local. Den e caso aki, musica.
Pa 2018 ta planea pa diferente otro tipo di servicio, na cual lo bay duna guia, conscientacion ariba exportacion di producto local. Den e caso aki, servicio. Consultants, hendenan den region, cu ta haya oportunidad pa exporta nan product na 2018. Banda di esey nan lo sigui yuda otro industrianan, cu nan ta yudando caba ariba e enfoke professional. Esaki ta un estimulo economico directo, impulsando economia local, segun Sra. Van Nes.
Mas aleu, Sra. Van Nes a sigui bisa cu economia ta conoci cu nos ta trece tur cos pero nos por cuminsa saca tambe p’esey den 2018 lo bay aserca esunnan cu tin producto tambe kiko ta e pasonan pa cana. Esaki lo bay poco poco y a base di forsa interno, lo bay ataca tur sectornan ariba nan mes. Duna cada un informacion specifico. Lo siña y guianan como compania y persona, con pa exporta nan product exitosamente. Esey ta unico forma cu e ta sostenibel.
Exprodesk ta haciendo un sondeo di companianan local na e momentonan aki. Kico ta e productonan local, con nan ta bay exporta y kico mester tene cuenta cun’e. Ora di un producto specifico, bo tin hopi tipo di rekesitonan di salubridad, di labeling. Ta diferente cos mester tene cuenta cun’e. Nan mester di yudansa di tur stakeholdernan, pasobra nan so, nan no por, segun Sra. Susanne Van Nes, di Exprodesk.