Dialuna mainta, Dr. Gerrit Croes y Sra. mr. Evelyn Wever- Croes a reuni cu informador, Sr. mr. Arie Swaen. Lider di MEP, Sra. mr. Evelyn Wever – Croes a amplia mas ariba esaki.
Meta di e reunion tabata pa informa informador, cu tin e posibilidad pa forma un gobierno cu base amplio. Nan a haya hopi informacion di informador ariba con serio e situacion di nos pais ta. No solamente ariba tereno financiero, pero tur e retonan cu nos pais ta enfrenta cun’e.
Di berdad, gabinete Mike Eman ta laga un desaster atras y ta e siguiente gobierno lo mester bay drech’e. Pero Sra. Wever- Croes ta convenci, cu si tur hende pone nan esfuerso hunto, lo por saca nos pais padilanti. E siguiente cita ta bay ta diaranson.
Mientras tanto, lo mester pone por escrito, diferente informacion, cu informador a pidi na tanto presidente di MEP, dr. Gerrit Croes, como e lider di e partido, Sra. Evelyn Wever- Croes.