Ta hopi di lamenta cu hopi porta ta cera pa Pony League Aruba por bay World Series door di no haya sosten financiero. Sr. Benjamin Frances ta splica cu di gobierno te Lotto pa Deporte ta contra nan.
Organisacion di Pony League ta na caminda pa un World Serie dia 4 di Augustus, caminda e ekipo di Colt lo representa Aruba. Directiva di Pony LEague ta haciendo lo necesario pa yega na e fondonan aki, a hasta haci un radiothon pa yuda e muchanan. Gobierno, den e caso aki, Lotto pa Deporte, den forma di su minister Alex Schwengle, tin problema ora cu criticanan ariba e maneho di Lotto pa Deporte pa deporte na Aruba. Pero ser. Francees ta laga esaki pa e minister mes splica. Su persona ultimo dianan aki ta hayando hopi critica den corant y riba social media. Esaki no ta na su luga, nan trabao ta pa traha pa deporte na Aruba, y no crea polemica. E berdad mester ta bisa cla y raspa. Lotto pa Deporte mester ta pa deporte. Segun informenan, e asociación di Pony no ta den COA y ASU, pero nan tin tres aña caba, cu nan ta acercando nan pa asocia y semper ta haya e mesun contesta di NO, cu no por. Y nan a cansa, y ta haci cosnan na nan forma, cual no ta na agrado di e minister.
Comerciantenan tambe ta yuda pa haci e biahe di e muchanan un realidad. Nan ta traha pa e muchana 100%.
E situacion aki tin hopi di haber cu nepotismo (vriendjespolitiek). Ora cu bo ta den posicion di lider, bo no por tin preferencia di politica. Tin preferencia claramente akinan di Little League ariba Pony League. Den e comision, tin hendenan contra di Pony League. Y nan mester tuma decision pa Pony League y dimes nan lo no duna Pony League e espacio. Pony League no a bin pa kibra Little League, pero pa yuda Little League. Pony League tin 3 aña ta organizando un torneo internacional, cu paisnan den regio, ariba propio forsa esaki ta wordo haci posibel. Hopi ta wordo bisa, cu Benjamin ta pasa ariba regla. E punto ta cu ta traha cu curason y hopi duro pa e muchanan.
Pony League ta nacional, dus por saca un seleccion di Aruba, muchanan di San Nicolas cu ta South League, Sta. Cruz cu Centre League y Noord ta North League. Den caso di Pony League ta traha un seleccion nacional, e mihonan di Aruba ta bay defende nos bandera. Aña tras aña ta produciendo e miho producto. Pony League ta poniendo Aruba ariba e Big Screen, dunando un promocion enorme pa Aruba. Nan merece ayudo di parti di e autoridadnan competente.
E mayornan, e atleta mes cu tambe ta train tur dia ariba veld pa duna e miho producto y tambe gobierno. Esaki ta importante, pa por tin un team effort den tur sentido di palabra.
Sr. Francees a splica cu na April 2016 a bin e prome reunion na Playa entre Little League, Pony League, ABBA y gobierno. E minister no a presenta, di dos tabata na Mei aña pasa y e ultimo na November aña pasa. Si enberdad e minister di Deporte kier haci un cambio, bo no por reuni dos bes so pa aña, tabata tin tres reunion, pero na niun e minister no tabata presente. Si di berdad bo ta bisa algo di curason, cu bo kier traha algo pa deporte, mester pone algo na dje. Pueblo mester sa con ta bay pak aan e cos aki, no por tira critica ariba hende, e ta un team effort y tur hende mester traha den mesun direccion. Aki tin politica ta wordo hinca den dje. Esakinan ta perhudica e deporte en general y seguramente Pony League. Pero nan tin fe den Dios, cu Dios lo no laganan na caya y cu nan lo bay e Mundial. Y nos bandera lo bay halto, den e World Series, dunando promocion grandi na Merca. ATA tambe a nenga di yudanan, cu no tin budget. Pero SR. Francees ta sigur cu comercio y esunnann cu tin e deporte na pecho lo sigui yuda, pa e muchanan bay representa nan pais. Pero e ta un crimen, ya cu e ta deber di gobierno, tin hopi cosnan cu ta pasa, un Electric Festival cu ta hala hopi placa y e momento a yega pa pone e atencion na e muchanan.
E weekend aki nan lo organisa un carwash, ta cobra 20 florin pa cada auto, laba pafo so. E ta un tiki mas cu 15 florin, pero e ta un fundraising. Pueblo yuda e muchanan y asina genera 10 mil florin, cu lo yuda como cuater mucha cu nan ticket. Un biaha mas un yamada pa Lotto pa Deporte, no tuma su persona na malo. Wak e causa, na unda e muchanan aki merece di e confianza di Lotto pa Deporte.
Diamars mainta, Sr. Francees a warda un hora y mei ariba Minister Schwengle, y su representantenan a priminti di yudanan, pa mandanan pa World Series.