Nos cangreunan di mondi ta den peliger

0
RBC Juli 2018
ling and sons porciento
Funmiles-2018

Luna di Juni-juli ta temporada cu cangreunan ta bay lama pa laba cabutiti. Esey ta tur aña ta ripiti. Stimaruba a scirbi riba e cangreunan 5 aña pasa riba nos cangreunan cu tabata cuminda di e generacion di siglo pasa. Hopi di nos grandinan a come cangreu di mondi esnan colo cora. Hendenan di isla-riba ta come e cangreu colo blou. Mundialmente den restaurant di halto calidad y di bon fama nan ta pone cangreu riba nan menu. Crustaceos of schaaldieren ta delicadesa y di alta calidad pesey ta paga pe. Kiermeen cu nos grandinan tabata come cuminda di alta calidad. Esnan cu ta bay coy cangreu pa come no ta yega cas cu un hembra y ta hiba loke ta come. Tur sa cu e hembra ta e procreador. Tempo a pasa y a bay come cuminda cu ta bin for di exterior den e pensamento cu esey lo ta miho. Awe nos ta pasa riba cangreunan sin cu nos curason ta tembla. Aki un evulocion di nos naturalesa a kibra. E cangreu tin asina hopi potencial den nos medio ambiente. E ta come insectonan lastrero, scorpion di mondi, resto di parhanan etc. E trayectora pa un cangreu yega lama ta basta largo. Cu cuidou e ta cana riba e 4 tenglanan di mas patras di e curpa. E dos tenglanan di parti dilanti e ta hisa den laria pa e cabutitinan cu ta pega bou di e bariga no lastra riba tera y daña e cabutitinan. Cabutiti ta preto, bo por kere cu ta sushi tin bou di e bariga. Asina un hende yega mucho serca di e cangreu e ta spanta y cuminsa come e cabutitinan. Ta recomendabel pa no yega mucho serca.

Hopi ta sali anochi for di nan buraco y coy caminda pa lama. Den temporada di awacero ta miranan. 3 ves pa aña nan ta sali, cada ves un otro grupo di cangreu. Unda cu nan ta biba y pone, ta unda cu nan a nace. Asina cu Aruba a perde masha hopi cangreu. Ta un tristesa cu hopi no a tuma na cuenta perdida di nos fuana.
Pikimento di palo canto di lama a kibra e habitad di un otro sorto di cangreu. Nos no sa miho. Otro parti di mundo unda cu hendenan ta biba mas serca di naturalesa sa balor di palonan cu ta bin for di lama, aki nos ta kere cu nan ta sushi, pero no ta berdad. Nan balor ta asina grandi.

Comments

comments

C: Heineken
new india
dvg