E prome candidato presenta door di partido MAS, tabata Norman Kuiperi. El a conta dicon el a sub lista di e partido y kico ta su vision.
Esaki ta un ambicion, un soño cu e tabata tin basta tempo hungando cun’e, mirando e ultimo añanan, kico e partidonan politico a bin ta haciendo pa loke ta Gobernacion di nos pais.
Loke ta sosodiendo tin hopi mas informacion ta wordo propaga y a publica varios y lo sigui publica mas articulo riba nos finansas publico y tambe e direccion di nos economia, caminda cu purbando di mustra e pueblo pa nan por compronde y haci pregunta na e politiconan si en berdad kico ta pasando y si berdad nos debe nacional ta dje grandi eynan. Pa Kuiperi ta un placer pa ta forma parti y a wordo acepta den partido MAS. E ta spera cu e por contribui y ta su intencion pa scucha tanto informacion positivo como negativo, pasobra tur informacion ta bin pasobra un hende tin un preocupacion. Cu e ta gusta of no ta gusta un cierto cos ta pasa, e ora ey ta keda pa e persona cu haya e informacion ey, interprete y actua riba dje. Conviccion di Kuiperi pa pueblo y su trabao den MAS, sperando pa drenta den staten pa September, cu ta traha pa e pueblo y ta dispuesto pa sirbi pueblo di Aruba sin ningun interes personal algun. Cu sey Kuiperi kier a introduci su mes como un di e candidatonan riba MAS.
E ta sigui splica cu ta haya rapportnan por ehempel di CFT, rapportnan di IMF, di Fitch y di Standard & Poors, tur ta papia di e debe subi cu 23%, GDP a subi cu 3.1%. Nan ta papia di begroting awor aki. CFT a saca un rapport dia 27 di Januari, 2017, papiando di begroting 2015. Un cos cu mester a wordo entrega legalmente, aproba den Staten September 1, 2014, esta 3 aña despues. CFT ta pretende cu nan ta cumpliendo cu e mita porciento di deficit riba un begroting. Begroting ta un cifra ficticio. E no ta un cifra real. Ningun hende ta bisa e cifra real. Ningun hende no sa cuanto e debe real ta. Ta hinca proyectonan den PPP, y pa menciona 4, cual ta e MFA gebouwen, Hospital, Ringweg 3 cu ta na caminda y Green Corridor, nan balor, ora cu Aruba caba di paga nan, ta casi 2.3 biyon florin. Esey no ta wordo raporta den e debe cu Centrale Bank ta bisa cu e ta. Pero ta un obligacion di Aruba. CFT ta clarifik’e como por ehempel un palabra cu nan a inventa, cu ta Off Balance Sheet. E ta un obligacion di Aruba, no por bisa cu ta Off Balance Sheet. Si debe pa firma un contract cu ta bay paga un lease cu ta un huurkoop, tin di pag’e den 25 aña, aki 3 aña Gobierno keda sin paga, ta hiba nan abogado y hues ta dicta cu e tin cu wordo paga, a firma. E ora Centrale Bank ta bisa cu e contract den e manera cu e ta skirbi, no por hink’e di acuerdo cu e reglanan cu tin pa wordo considera como un debe. Eynan e mal informacion ta bin, Kuiperi a splica.