PYONGYANG, Noord- Korea- Pa motibonan humanitario Noord- Korea a laga e pastor Canades Rim Hyon Su, conoci tambe bou di e nomber Hyeon Soo Lim, den libertad. E pastor a wordo sentencia na December 2015 na cadena perpetua cu trabaonan forsoso.
Durante e tempo cu e tabata den prizon, Lim a sufri problemanan di salud y e agencia di e pais a precisa cu e religioso a wordo laga den libertad, pa motibonan medico.
E pastoor di e Iglesia Presbiteriano di Lus di Mississauga, di 62 aña, a ricibi condena perpetua pa “actividadnan contra di estado”. Segun Toronto Star, e religioso a realisa mas di 110 mision humanitario na Noord- Korea na nomber di su iglesia, te na su detencion na Januari 2015 durante un di su bishitanan rutinario.
Segun autoridadnan Norcoreano, Lim supuestamente tabata conspira pa logra deroca e regimen di Kim Jong Un.
E anuncio di su liberacion a wordo realisa despues di cu un delegacion di gobierno di Canada a bishita Pyongyang pa trata e caso aki. Esaki ta e di dos delegacion, e prome a tuma luga na final di 2016.
Fuente: https://www.efe.com/