No tin tempo pa drumi pa trece desaroyo pa San Nicolas

0

Parlamentario di partido POR, Alan Howell ta duna di conoce cu apesar cu Citgo no ta dunando resultado positivo, tin otro luz na horizonte muy en especial pa San Nicolas.
E ta referi aki na e anuncio haci siman pasa unda cu a informa cu Ministernan Andin Bikker y Otmar Oduber hunto cu gobierno en general ta pushando duro pa cu e proyecto di Fast Ferry. E Proyecto aki ta encera un ferry cu lo conecta e islanan Aruba, Corsou y Bonaire diariamente. Ta trata di un proyecto cu actual Minister Bikker tabata cargando y pushando pa hopi aña, for di tempo cu e tabata den oposicion, y awe bou un liderasgo nobo ta mirando luz di dia.
Loke ta haci e Proyecto aki mas interesante, segun Alan Howell ta cu e puerto di Aruba lo ta na San Nicolas y ya caba Pais Aruba a haya e tereno unda esaki lo por wordo desaroya. Cu otro palabra, pasaheronan lo baha y subi na San Nicolas, treciendo un desaroyo economico diferente pa nos pueblo di San Nicolas.
Den e cuadro aki Howell a indica cu fraccion di POR a tuma nota cu Minister Oduber a firma un acuerdo di traspaso di e tereno pabou di Citgo. E ta di opinion cu e desaroyo aki sigur ta un boost pa nos pais y muy especialmente pa oportunidadnan di trabou y e economia na San Nicolas.
“Mi ta para strong strong como representante di San Nicolas y como parlamentario tras di e proyecto aki.Together we can make it better”, Alan Howell a finalisa bisando.

Comments

comments