DEN HAAG – Den aire riba Hulanda no a midi jodium radioactivo, segun Rijksinstituut voor Volksgezondheid en Milieu (RIVM). Na Norwega, Finlandia, Polonia, Tsjechie, Alemania, Francia y Spaña luna pasa a midi si un cantidad chikito di jodium.
Di unda e jodium a bin, ainda ta desconoci. Riba internet tin rumornan cu lo e ta procedente di un incidente den un reactor nuclear of hasta un test cu un arma nuclear. Pero segun RIVM esaki ta wordo descarta. No solamente no tin jodium -131 den aire, sino tambe otro sorto di jodium radioactivo.
Jodium -131 traha pa hende ta un stof radioactivo. Esaki ta wordo por ehempel uza pa e tratamento di cancer di schildklier. E midimento ta wordo raporta di ta hopi abao, di 0,1 pa 5 microbequerel pa meter cubico. Di naturalesa tin diferente particulanan radioactivo den aire na Hulanda, manera chumbo -210 y Beryllium -7.
Fuente: ANP