Na luna di april of luna di mei minister di Transporte, Sr. Chris Romero, a anuncia di lo tin cambionan den e sistema di Aruparking, pa cual e mandatario ta splica con a para cu henter e situacion aki.
Enberdad a bisa cu pa juni e cambionan mester tuma luga, pero e no ta bay un, dos. Esaki ta pa motibo di cu tabata tin cierto biahenan y tambe puntonan di agenda cu mester atende. E mandatario y su conseheronan ta bezig cu esaki pa nan keda cla y bay cun’e Conseho di Minister. Si ta spera cu por keda cla cu e proposicion mas pronto posibel y asina introduci kico ta e cambionan, pero tambe kico ta e rekisitonan cu Aruparking.
E realidad ta cu e gobierno actual a bin haya un situacion cu e minister anterior tabata hopi iresponsabel pa haci cambionan, cu a area problemanan sumamente grandi pa Aruba. Nan a hereda e problemanan aki, den tur area. Den Arubus, cierto decisionnan cu a wordo tuma eydennan, ta e mesun problema ta reinando.
Tin varios tereno di gobierno, den centro di Oranjestad y tin di nan tin edificionan bieu of tin di nan cu ta cera y mirando e espacio di paramento di auto ta asina poco ariba cual e mandatario a bisa cu esey ta cay bou di maneho di Infrastructura cu tin ideanan tocante pa bin cu parkeergarage, pero Sr. Romero no sa con leu e ta cu esey. Pero si e ta di acuerdo cu no tin mucho luga di para den centro di Oranjestad.
Constantemente di hopi problema den area di hotel, pa loke ta parkeerplaats. Segun e mandatario, e plan tabata pa bin cu parkeermeter den tres zona, Oranjestad, Boulevard y tambe Palm Beach. E parti di Palm Beach no ta asina leu ainda, pero si nan sa cu tin preocupacion, cual mester wordo ordena. Luga di parkeer mester wordo drecha y e lo haya su atencion. Pero e mester cuminsa prome cu Aruparking, pa despues sigui pa e di dos fase. E fase actual ta pa bin cu posibel solucionnan, pero tambe e maneho necesario y asina unabes esey ta cla, e maneho ey, e ora por wak si por amplia e zonanan concerni. Y mas sigur, e zona di Palm Beach ta riba punto di agenda.