LARA, Venezuela – E presidente di e Asociacin di Padres y Madres por los Niños de Venezuela, Gretna El Halabi, a indica cu e escases di bruki y lechi pa baby ta ubica na Lara den un 100%. Aunke cu Gobierno Venezolano a ofrece e distribucion di e productonan, esaki no a cumpli sino den luganan hopi schaars. For di aña pasa a bin ta denuncia e escases di lechi pa baby na Lara, segun e presidente di e fundacion El Halabi y aunke cu posteriormente a denuncia e localisacion di miles di lechi den depositonan di e Gobierno cu tabata presenta un fecha di vencimento, no tabata tin informacion oficial al respecto.
E situacion a bira mas serio te ora cu a yega na un punto actual, caminda cu a keda estableci cu a caba den 100% di e productonan manera bruki y lechi di formula, e presidente a sigura.
Tambe e presidente a destaca di e fundacion referi, cu e escases aki ta wordo motiva pa e falta di otorgamento di divisa di parti di Cencoex na empresanan cu ta encarga pa importa e formulanan for di otro nacionnan pa Venezuela.
Gretna El Halabi ta sostene cu nan ta den un situacion critico ya cu algun mama, pa motibo di asuencia di bruki, a opta pa pone saconan di plastic fura cu corant na nan yiunan y sali asina riba caya, pa loke nan ta spera for di e asociacion aki un mediacion di e Defensoria di Pueblo pa solventa e problema, Gretna El Halabi a expresa.
Fuente: El Universal