No ta responsabel pa laga un scol sera pa hopi tempo, segun e minister di enseñansa, drs. Rudy Lampe.
Un scol sera pa hopi tempo ta mas atras e ta bay, y por lo tanto, e scolnan aki den e proximo lunanan lo bay haci tur lo posibel pa drecha loke mester wordo drecha, pa Augustus cuminsa bek como scol. E no ta bay ta den e forma ideal, pero no ta responabel pa laga e scolnan aki pa hopi tempo sera.
Lo bay bin cu diferente medidanan pa atende e parti di e mantencion di e scolnan, ya cu e mantencion di edificionan di scol ta alarmante. E ta algo cu pa hopi aña caba ta andando. Pa esey, segun e minister e ta un di e prioridad di e ministerio di Enseñansa ta precisamente e mantencion di e infrastructura.
Si wak cu e ‘beraming’, cu si kier pone up to date tur e retraso cu tin den scolnan, ta costa ariba 240 miyon florin. Pero gobierno no tin e placa ey. Pais Aruba ta den un situacion financier caotico, y e recursonan pa mantencion no ta disponibel. Pero mester ta creative den e situacionnan limitante cu gobierno ta aden. Pero e minister ta optimista, ya cu uzando creatividad, toch lo por remedia un parti grandi di e situacion aki, sin cu realmente e costa e suma di 240 miyon florin, cu gobierno no tin ariba mesa.
Na cierto momento a wordo brinda na e departamento di Enseñansa cu nan lo haci esaki caminda cu full e Departamento di Enseñansa lo ta ubica. Durante un reunion a discuti cu profesionalnan ya cu ta trata di monument importante, John F. Kennedy ta un number hopi respeta den comunidad. John F. Kennedy School cu hopi cariño e ta wordo respeta. Tambe den un reunion, e minister a tuma nota, algo cu ta cambia poco e pensamento cu minister tabata tin. Minister Lampe tabata mira potencial pa eynan por a pone tur e departamentonan central den e edificio di John F. Kennedy.