Sr. Ricardo Croes a splica con partido RED ta para pa loke ta eleccion 2017 pa cual aki e ta splica mas di e desaroyonan di partido.
Partido RED a presenta nan prome candidato dia 8 di Maart, den persona di Nora Eleonora. Sr. Croes a admiti cu e ta poco dificil pa haya candidato, pero partido RED ta formando lista, ya caba nan tin cierto candidato caba y nan tin afspraak cu personana cu tentativamente tambe kier join partido RED,
Den combersacion cu tur hende ta resalta cu na Aruba tin un cultura di miedo cu ta biba den profesionalnan. Nan tambe ta sinti nan mes menasa y si nan actua e.o. Contra e partido grandi na mando, cu nan pan di cada dia ta core peliger. Esaki ta un lastima grandi, cu hendenan por biba, intimida na e manera ey.
Pero partido RED toch ta bayendo bon. Sr. Croes ta di opinion cu lo mester laga tur speculacion afo, lag’e den laira y mas despues lo duna e cifra di mas corecto. Ta purbando di tin mas candidato cu ultimo eleccion, cual tabata 10 candidato. Di e grupo cu tabata ariba e lista biaha pasa, a dicidi cu nan no ta sigui e biaha aki. Asina Sr. Ricardo Croes, di partido RED a remarca.