No por exclui eleccionnan nobo na Hulanda

0

DEN HAAG, Hulanda- Lider di VVD, Mark Rutte no ta kere cu por lo pronto lo tin un avance den e formacion di gobierno. Segun Rutte, esaki lo por dura un rato ainda, prome cu e impasse por wordo kibra. Y no por descarta eleccionnan nobo, e liberal a bisa.
“No por descarta esaki”, el a bisa den un sesion live ariba Facebook di VVD. Esaki lo ta un señal di incompetencia si mester acudi un biaha mas na eleccionnan. “E votador a haci su escogencia. Ta keda na nos pa haci di nos parti”, Rutte a bisa.
E formacion ya caba tin 90 dia andando y despues di dos intento pa yega na un formacion cu GroenLinks, e posibilidad pa yega na un coalicion di mayoria ta mustra scur, ya cu e resto di partidonan cada un tin nan mesun obheccionnan.
Informador Herman Tjeenk Willink diaranson a ricibi Rutte y despues lider di CDA, Sybrand Buma. Ambos lider di partido, despues di e reunion a duna di conoce cu a keda tres opcion: un coalicion VVD, CDA y D66, hunto cu ChristenUnie, SP of PvdA.
D66 y ChristenUnie a conclui anteriormente cu e diferencianan interno ta demasiado grandi, SP no kier goberna cu VVDE y PvdA ta haya cu despues di e derota den ultimo eleccion, unda nan a perde 29 asiento, no ta nan turno pa goberna.

Fuente: www.detelegraaf.nl

LEAVE A REPLY

Please enter your comment!
Please enter your name here