MERCA – Investigadornan di e Universidad di Berkeley a impulsa e desaparicion di hangua den e procesonan di vacunacion. E alternativa desaroya pa cientificonan di Merca ta un dispositivo, di e tamaño di un pildo, capas di suministra e moleculanan cu e inmunisacion posterior tabata eherce.
E procedimento ta simpel. E pashentnan ta introduci e capsula dentro di e boca, contra e interior di e cauchi, unda e ta libera un druppel dirigi directamente na e zona aki, rico den celulanan inmunitario, pero subutilisa den imunologia, debi na e reto di penetra eficasmente den e capa diki di slijm.
E ekipo a demostra, tanto den experimentonan di laboratorio manera den bestia (coneu), cu e tecnica por suministra un coriente di presion di moleculanan likido y activador di e sistema imunologico, capas di penetra den capanan mucoso y stimula un respuesta inmunitario den e region bucal, luga unda hopi infeccion ta drenta den e curpa.
Aunke, e estudio, publica den Science Translational Medicine, ainda no a implica e administracion di e vacuna den hende, si a pone di manifiesto cu e dispositivo, yama MucoJet, ta un prome paso pa un administracion oral mas eficas di e vacunanan.
E autornan ta spera cu por ta disponibel dentro di 5 pa 10 aña.
E siguiente paso ta proba e entrega di un vacuna real den bestia ta mas grandi. Investigadornan ta pretende diseña un version di MucoJet cu por wordo traga y libera e moleculanan internamente. Ademas, ta wordo considera otro forma y tamañonan pa simplifica e procedimentonan di administracion, specialmente pa mucha.
E tecnologia portatil, diseña pa e wordo autoadministra, ta almacena e vacunanan den forma di polvo y lo permiti den un futuro e entrega di vacuna den luganan leu. Sin embargo, autornan tin precaucion y ta afirma cu ta necesari ainda estudionan adicional prome cu e dispositivo por ta disponibel comercialmente.
Fuente: El Espectador