ROMA, Italia- E coalicion di centroderecha, cu e Liga Norte ta supera Forsa Italia, lo gana eleccionnan cu 37,3% sigui pa e Movimento 5 Estrella (M5S). Asina tambe e ta bira e partido cu mas votado cu 32,6% pero den niun di dos caso nan ta logra haya mayoria pa forma gobierno, según e ultimo resultadonan.
E resultadonan ta pone M5S como e principal forsa individual den e preferencianan Italiano, sigui pa e Partido Democrata (PD) di Matteo Renzi cu 18,7%.
“Nos ta sinti e responsabilidad di goberna, Nos ta e forsa politico cu ta representa un nacion completo, 11 miyon Italiano a vota pa nos”, Luigi Di Maio a sigura. “Un era nobo ta cuminsa pa e Republica Italiano”, el a anuncia.
E conservador Liga Norte a yega na di tres luga cu 17,4%, pero si e uni na e partido di Silvio Berlusconi Forza Italia (14%), Fratelli d’Italia (4,3%) y Noi con l’Italia (1,3%), forsanan aliado di centro derecha, e coalicion ta yega 37%.
Solamente e total di votonan di M5S y e alianza aki, nan lo yega 365 diputado, superando asina e 316 necesario pa por goberna.
E problema ta awo pa e presidente di e Republica, Sergio Mattarella, a base di e resultadonan aki lo mester dicidi cu ken nan ta forma gobierno den un incertidumbre.
Fuente: https://www.infobae.com/