NEW YORK, Merca- E fiscal di e South District di New York, Joon H. Kim, a sigura cu ta existi evidencianan suficiente cu por prueba dilanti di cualkier hurado, cu e acusadonan Efrain Antonio Campo Flores y Franqui Fransisco Flores de Freitas, tabata dispuesto na comete e crimen pa cual nan ta worod acusa. Segun e fiscal, nan tabata mantene conexionnan di suministro di cocaina cu FARC cu tabata meti den nan conspiracion. Na mes momento, nan tabata conta cu e aprobacion di e presidente di Venezuela, Nicolas Maduro. Esaki segun e periodista Maibort Petit, cu a duna cobertura amplio na e caso di e narcosubrinonan.
E periodista a presente den Corte documentonan unda ta mustra cu tanto Maduro como su casa, Cilia Flores tabata na altura di loke e subrinonan di e prome dama di Venezuela tabata haci.
E fiscal ta di opinion cu e vuelonan di droga tabata sali di e aeropuertonan mas importante di e pais, cu e aprobacion di e gobierno Venezolano, segun e periodista.
Fuente: http://www.ntn24america.com