Diadomingo 20 di mei , Venezuela a celebra un otro jornada electoral, caminda cu e presidente actual, Nicolas Maduro Moros, a bay en busca di su reeleccion, di cual e la sali reeligi cu 5.823,728 voto den e prome boletin preeliminar di Conseho Nacional Electoral.
Riba rednan social por a wak varios video, caminda cu por a wak con e mesanan electoral tabata bashi. Cu’n oposicion dividi, sin un candidato fiho, Maduro tabata tin’e basta facil. Su contricantenan mas importante tabata Henri Falcon y Javier Bertucci.
Pa mas o menos 10 or y 20 di anochi, presidente di Conseho Nacional Electoral, a anuncia e resultado, caminda a duna Nicolas Maduro como ganador di e eleccion 2018, cu mas di 5 miyon di voto. Si mester remarca cu el a bay atras den voto, caminda cu na 2013, el a logra saca mas di 7 miyon di voto, cual ta un caida di mas di 2 miyon voto.
Asina tambe Maduro ta haya un mandato pa 6 aña mas