Nicolas Maduro no ta bon bini na e Cumbre de las Americas

0

CARACAS, Venezuela- Presidente di Venezuela, Nicolas Maduro, no ta bon bini na e Cumbre de las Americas cu lo wordo celebra na Peru den e luna di April proximo. Asina e canciyer di e pais. Cayetana Aljovin, a declara despues di a participa den un reunion di e grupo di Lima integra pa un docena di paisnan Americano, pa debati medidanan.
E decision a wordo tuma debi na e anticipacion di e eleccionnan presidencial na Venezuela, decreta pa e regimen madurista cu lo tuma luga dia 22 di April.
“Ta mi deber di informa cu e gobierno di Peru, cu e respaldo di e Grupo de Lima, y según e declaracion di Quebec 2001, cu ta señala e ruptura di e democracia ta forma un obstaculo insuperabel pa e participacion di un Estado di Cumbre de las Americas. Basa ariba esaki, nos kier expresa tocante e invitacion (di Maduro) pa e cumbre, cu su presencia lo no ta bon bini den e encuentro aki”, e canciyer di Peru, Cayetana Aljovin a expresa.
E grupo di Lima a rechasa e convocatoria pa eleccionnan presidencial delanta na Venezuela pa dia 22 di April, proximo. E representantenan di e paisnan cu ta integra e grupo a haci un yamada na e regimen di Maduro pa e considera un calendario electoral cu eleccionnan unda cu tur e actornan politico ta participa, cu observacion y standardnan internacional.

Fuente: http://www.ntn24america.com

Comments

comments