BOGOTA, Colombia- E Tribunal Supremo di Husticia de Venezuela (TSJ) “den exilio” diaranson a condena e presidente di e pais ey, Nicolas Maduro, na 18 aña di prizon pa delitonan di corupcion propio y legitimacion di capital, den un caso di e constructora Brazilero, Odebrecht.
“E castigo pa e delitonan cometi mester wordo impone den su termino medio tomando na cuenta e circumstancianan grave y esun considera pa e organo jurisdiccional, lagando e castigo pa wordo aplica pa ambos hecho delictivo di e siguiente manera: 18 aña y 3 luna cera”, e hues Rommel Gil a bisa durante e audiencia cu a wordo realisa den e congreso di Colombia.
Dia 2 di augustus ultimo, TSJ na Bogota a cuminsa un huicio promovi pa e ex fiscal Venezolano, Luisa Ortega Diaz, cu durante shete audiencia a presenta pruebanan cu cual e ta vincula Maduro cu Odebrecht.