BERLIN, Alemania- E decision a wordo tuma pa e Corte Federal Constitucional di e pais aki, ya cu e ta considera cu e ley acutal ta discriman personanan cu no ta identifica cu e dos generonan admiti pa Estado.
Obliga un persona pa ta necesariamente registra ya sea e ta homber of muhe ta viola e derechonan civil relaciona cu e identidad, segun un sentencia di e Corte Federal Constitucional di Alemania.
Segun e institucion di e poder hudicial, esun mas halto den e pais, ta necesario pa introduci un di tres opcion di genero, den e registro di nacimento y documentonan di identidad.
E legislacion ta vigente awendia na Alemania, ta “discrimina” personanan cu no ta sinti nan mes identifica di manera permanente cu niun di e generonan den e documento reconoci pa estado.
E decision di Corte Constitucional a wordo tuma den respuesta na un apelacion presenta pa un persona, cu a pidi pa cambia su genero original, femenino, pa un opicion neutro.Inicialmente e solicitud di e persona a wordo rechasa, pero un analisis di cromosoma a demostra cu den terminonan biologico, e persona solicitante no tabata ni homber ni muhe.
Pa coregi e situacion aki, parlamento Aleman (Bundestag) lo mester modifica e leynan corespondiente prome cu 31 di December 2018 pa ofrece ciudanonan un opcion alternativo na e sistema di genero actual.
Dem caso cu e medida aki wordo aproba, Alemania lo bira e prome pais Europeo den reconoce legalmente e asina yama “tercer genero”.
Fuente: https://actualidad.rt.com/