New York Yankees y Boston Red Sox a protagonisa diaranson un pelea insolito y multitudinario durante un partido di beisbol na Boston.
E pelea a tuma a start na momento cu e pitcher di Boston Red Sox, Joe Kelly, a dal e batiado di turno di New York Yankees, Tyler Austin.
Despues di a haya e deadball, Austin a tira e bate riba vloer, a kita su helm y a bay den direccion di Kelly, di manera menasante.
Ora cu nan dos a cuminsa tira golpi, di tur skina di e diamante (pitch mound) , e resto di e hungadonan di e cuerpo tecnico, haciendo e pelea aki den un pelea multitudinario.
Segun e regla (no skirbi) di beisbol, ta aceptabel cu hungadonan sali di e dugout pa defende su compañeronan.
E pelea a start den e di shete inning di e wega.
Finalmente e hungadonan a wordo separa y e situacion a bolbe bek na normalidad.
Mas trempan, durante e di tres inning, e dos ekiponan ya caba tabata tin un discusion chikito, ora cu Austin, a slide riba segunda, y den esaki e ta dal e shortstop di Boston, Brock Holt.
Wega ta caba 10 pa 7, na fabor di New York Yankees
Fuente: https://www.mlb.com/