Natusha Croes ta un artista multidisciplinario y a wordo acerca pa Kevin Gumbs pa participa den e show cu yama Skin. Semper el a admira e vigor y esfuerso cu Gumbs ta pone den su shownan.
El a admire di tempo e tabata tin 16 aña, unda cu e tambe tabata participa den Gang di Arte, ya cu e tabata e unico plataforma pa bay y experencia y experimenta y touch base cu bo parti creativo. El a wak Kevin Gumbs balia y el a bisa cu esey ta loke e kier get in touch with. E spirito, e pasion, semper el a admira Gumbs. El a yega di colabora den un di su prome shownan. Den tur disciplina di arte el a haci moda. El a mustra un seccion di su coleccion di moda den Gumbs su show y tabata fabuloso. Na momento cu el a bay studia pa sigui cu su carera artistico, den Gerrit Rietveld Academie den e departamento Audiovisual, a keda den contacto cu Gumbs via social media riba su desaroyo. Asina a conecta, ya cu kier trece algo mas contemporaneo na Aruba. Algo mas experimental. Algo cu ta duna audiencia, nos pueblo un otro bista riba expresionnan artistico. Ora cu Gumbs a bis’e cu e kier haci un show multidisciplinario, Croes a bay di acuerdo pa pone tur habilidad di nos artistanan local den un solo show. Tin poesia, tin video, tin stage decor, tin baile, tin modern poetry. El a bira aun manifestacion di loke ta andando of kico ta come y bebe di arte den nos hobennan. Esey tabata tremendo.
Croes ta invita henter pueblo di Aruba, pa bin sostene nos artistanan local. Nos tin asina hopi artista jong y pa duna den cultura y arte. Dia 2 di November e show ta, cuminsando pa 7’or y mey di anochi den Cas di Cultura. E lo bay ta un show inolvidabel.
E show tin un balor di 35 florin y ticketnan ta obtenibel na Moustachef Bistro O’stad, Scol di Arte na San Nicolas y tambe na Cas di Cultura.
Artistanan cu lo participa hunto cu Kevin Gumbs den e show aki lo ta Natusha Croes mes, Tito Rivera, Jhon Freddy Montoya, Petra Smit, Empire Dancers, Popcorn Dancers y Step by Step Dance Academy.
Artistanan invita lo ta Alydia Wever, Pierangely Wever, Edjean Semeleer, Jeanedy Semeleer, Rosabelle Illes y Tommy-Lee Halman.
No perde e tremendo produccion aki, cual ta mustra e habilidadnan di nos talentonan local dia 2 di november den Cas di Cultura.