Despues di 12 siman intenso di loke tabata e Nature’s Discount Health Challenge unda e participantenan a haci cambionan chikito pa por a haya resultadonan permanente door di a cumpli cu 8 accion tur dia. Pa crea e habito nobo permanente participantenan mester a marca e accionnan riba un carchi tur dia y entrega esaki. Tambe mester a participa na e 12 evento nan riba diasabra cu a inclui caminata, cardio workouts, zumba, yoga, pilates y mucho mas pa asina siña conoce deportenan diferente y ta mas activo. Hunto cu esaki e participantenan a atende tambe diferente charla pa expande nan conocemente riba diferente topico di salud.
Di e manera aki a haci entrega di premio na e participante mas motiva den persona di Josette Maduro cu a gana entre otro diferente gift certificates, un programa di training cerca conocido personal trainer y nutricionista Rene Wild y 1 aña di suplemento.
Tambe a saca participante cu a score mas punto di su carchi yena y a participa na mas actividad cu a keda den persona di Clarina Lacle-Thiel. Clarina tambe a gana diferente gift certificates, un programa di training na Pefect Me! y 1 aña di suplemento.
Masha pabien na tur participante di e Health Challenge 2016 y masha masha danki pa a participa. Tambe Nature’s Discount kier a gradici tur partners cu a yuda y sostene e nos durante e 12 siman di Health Challenge, specialmente JulieJulie, Rene Wild, Aruba Medical Assistance, Patrishi Sports, Caribbean Mercantile Bank y full e team di Nature’s Discount.
Sigui nos riba Facebook “Nature’s Discount Aruba” y keda pendiente pa nos proximo actividadnan na caminda!