JERUSALEM, Israel — E antiguo gloria di e graf di Jesus ta haya bida nobo. E Ediculo, santuario cu ta wordo pensa cu ta inclui e caverna unda cu Jesus a wordo dera y despues unda el a ascende pa shelo, a wordo renoba net na tempo pa e temporada di Pasco Grandi.
Durante e historico renobacion realisa pa un ekipo Griego, a retira e antiestetico cel di hero cu tabata rondona e santuario, traha pa autoridadnan Britanico na 1947 pa duna sosten na e murayanan. Tambe a saca e carbon den e fachada di e piedra di e santuario, uza durante decada pa peregrinonan cu tabata cende e belanan. Tambe a disparce e temornan pa e stabilidad di e santuario, cu no a wordo restaura den mas di 200 aña. “Si e intervencion aki no a sosode, lo tabata existi un gran riesgo cu esaki lo colapsa,” Bonnie Burnham, di e fondo Mundial pa Monumentonan a bisa dialuna. “Esaki ta un transformacion completo di e monumento.”
E fondo a otorga un monto inicial di 1.4 miyon di dollar na e restauracion di 4 miyon, danki na un donacion na e viuda di e fundador di Atlantic Records. Rey di Jordania, Abdullah II y e presidente Palestino Mahmoud Abbas, tambe a coopera cu 150 mil Euro cada un, hunto cu otro donacionnan priva y di iglesia, Burnham a agrega.
Instala di marmer y calichi, esaki ta den e centro di e Iglesia di Santo Suplcro na Jerusalem, un di e iglesianan mas bieu: un construccion di e siglo 12, lanta riba e restonan di siglo 4.
E samtarop tabata tin mester di atencion urgente, tras di hopi aña ta exponi na e efectonan di medio ambiente manera awa, humedad y e huma di bela.
Tres denominacion Cristian ta cuida celosamente e seccionnan separa di e iglesia, pero a laga un banda nan diferencianan religioso pa apoya e restauracion. Na 2015, polis Israeli a cera brevemente e luga despues cu Autoridad di Antiguedadnan di Israel a considera esaki insegur. E reparacionnan a cuminsa na Juni di 2016.
Un ekipo di remodelacion di e Universidad Nacional Tecnico di Atenas, a kita e blokinan di piedra di e fachada di e santuario y a patch e mamposteria interno, poniendo refuerso entre e piedranan. A haci cada bloki di piedra limpi pa kita e carbo y e sushi di parhanan y despues a pone e piedranan bek na nan luga.
Tambe a hinca schroefnan di titanium den e construccin pa refors’e. E retoke di e pintura di e cripta y e cuadranan a dun’e un miho apariencia.
Fuente: Associated Press