NEW YORK, Merca- E Asamblea General di Nacionnan Uni a vota e mocion di rechasa e blokeo cu ya pa mas di 55 aña Merca tin contra di e isla Caribeño. Solamente Washington y Israel a opone nan mes.
Diaranson e Asamblea General di Nacionnan Uni a reuni pa debati e blokeo economico cu Merca tin contra di Cuba. E representantenan di e isla a presenta, manera nan a bin ta haci desde 1992, un mocion di rechaso na e politica economico. E mocion aki a ricibi e apoyo di 191 estado y a wordo rechasa solamente door di e representantenan Mericano y Israeli.
Durante añanan, cada biaha mas estado miembro a uni nan mes na e pedido di e isla Caribense pa termina e medida aki, cu nan ta considera criminal.
Den e prome votacion 59 pais a bay na fabor pa e posicion Cubano, 3 contra (Merca, Israel y Rumania) y 71 abstencion. Na 2016 e resultado tabata ti 191 voto positivo y solamente dos abstencion (Merca y Israel). No obstante e aña aki Washington a bolbe rechasa e mocion modificando su postura di aña pasa.
Den su alocucion den Asamblea General, e canciyer Cubano, Bruno Rodriquez, a recorda cu “den e ultimo simannan, e presidente Donald Trump, a reitera den cuater ocasion diferente cu su gobierno no lo lanta e blokeo na Cuba, al menos cu esaki realisa cambionan den su ordenamento interno”.
Pero asina mes el a sigura Cuba, “jamas lo acepta condicionnan ni imposicion”, y a subraya cu “e focus aplica pa un decena di su predecesor no a funciona ni lo funciona”.
Fuente: https://actualidad.rt.com