Fundacion C.V.A. Aruba ta den pleno preparacion pa su di 5 congreso tocante Stroke. Diasabra 29 di October, cu ta International Stroke day, Fundacion CVA Aruba lo tin su congreso. Durante e congreso aki esnan presente lo ricibi informacion valioso tocante con pa PREVENI un atake cerebral mihor conoci como Stroke. Riba e dia aki lo haya mas informacion for di diferente orador manera dokternan di cas, neurologonan, fisioterapista, higienista dental, representante di departamento di salud publico, un nutricionista y un instructora di bailoterapia.E oradornan lo ta procedente di Corsou y Aruba. E programa ta uno hopi varia unda cu lo toca topiconan cu ta relaciona cu Stroke.
Esnan presente lo tin e oportunidad pa haci pregunta pa asina ta bon informa. Lo bai tin algun sorpresa e dia aki.
Fundacion CVA Aruba ta traha cu donacionnan cu ta bin for di e comunidad Arubano y pesey nos ta invita un y tur pa ta presente na e congreso aki cu lo tuma luga na Renaissance Center. Orario di e congreso ta di 08:00 te cu 16:00 or. Carchi ta costa afls 75,– pa persona y ta inclui koffie, thee y un lunch saludabel. Bin scucha con pa PREVENI un atake cerebral.
Pa carchi por yama numbernan di tel: 5677004 of 7330270,tambe por registra via [email protected]
Tambe tin e posibilidad pa cumpra carchi na tur tienda di Nature’s Discount Center.
No lo bende carchi na porta riba e dia di congreso!! Miembronan di OPPA por acuda na nan oficina pa cumpra carchi.
Ultimo dia pa cumpra bo carchi ta dia 25 di October 2016, esaki ta pa hotel por prepara e cantidad di lunch pa e esnan cu lo ta presente.