Diahuebs madruga den careda di 4:40 bisiña ta tende un sla basta duru, di biaha ta tira un bista pafo y ta wak cu tin un palo di lus benta riba caminda y un auto cu a drenta den mondi. Ta notifica polis inmediatamente hunto cu ambulance pa bin na e sitio debi no sa den ki condicion e chauffeur lo ta.
E chauffuer a logra di sali for di e auto y tawata keha di dolor. Polis a presenta y cuminsa tuma datos di e accidente. Ambulance tambe a yega na e sitio y e paramedico a cuminsa hasi un chekeo medico riba e chauffuer y a dicidi di hibe hospital pa mas chekeo.
Parse e chauffeur a perde control den e birada skerpi y a ranca palo di lus y pega den mondi. Elmar a wordo poni na altura debi cu e palo di lus ta benta mei mei di caminda pa asina cuminsa cu trabou pa kita esun kibra y pone un nobo. E chauffeur ta herida leve y e auto a keda cu hopi daño material.