Durante un conferencia di prensa yama pa Corte di Aruba, nan a duna di conoce e rapport
di aña 2016 pa loke ta Corte pa cual Sr. Ernesto Kross, vestingingsmanager Aruba a hiba palabra y a splica di e resultado di aña pasa.
Tirando un bista bek ariba 2016, Corte Comun dia kies pa pone “Visie” como tema den e rapport anual, ya cu 2016 tabata e aña unda Corte a defini su Vision y Mision. Esaki tabata pa Corte un trayecto importante, ya cu for di abao bin ariba, a duna tur e trahadonan oportunidad pa yuda pensa pa formula e vision. Esaki tambe ta para den e rapport anual, unda ta pone enfasis ariba profesionalismo y calidad. Pero tambe ta wordo bisa explicitamente cu e Hof ta un organisacion ta y kier keda conecta cu e sociedad y cu ta bay hunto cu e modernisacion cu ta tuma luga den sociedad.
Segun Sr. Kross, Corte a traha ariba e calidad di sentencia na diferente manera. A wordo investeer den e lider y liderazgo den e Corte Comun di Husticia y tambe a investeer den coaching pa asina e administracion por wordo haci na manera responsabel y tambe pa e trahadonan por haci nan trabao cu gusto. Asina tambe ta mantene un esfera agradabel di trabao na Corte Comun di Husticia.
Pa es motibo aki tambe tabata un placer di tin Sra. Jane Jansen, kende ta encarga cu casonan di impuesto, un di e puntonan crucial den 2016. Na fin di April, St. Maarten e casonan di impuesto tambe a wordo introduci, y esaki kiermen cu desde e tempo ey tambe por bay den apelacion.
Tambe desde Juli 2016, tambe por bay den Casacion pa casonan di Impuesto. Aña 2016 tabata un aña caminda internamente a traha duro pa introduci tur esakinan. Tambe Aruba ta conta cu un griffier di Belasting, specialisa den esaki.
Corte tambe ta sigui traha ariba e Caribisacion di e Corte Comun di Husticia, unda cu e trahadonan lo ta un refleho di nos sociedad, segun Sr. Kross. Esaki kiermen cu nos lo sigui atrae nos mesun hendenan, y tambe e formacion di huesnan, cu lo por traha den un posicion di liderasgo. Un bunita ehempel, ta Sra. Jane Jansen, cu ta sigui su RIO trayect como Rechter In Opleiding, unda cu ta spera cu e lo por duna su contribucion como Hues di Belasting, ora cu e caba cu su estudio.
Na Corsou a cuminsa cu un Mediation Naast Rechtsspraak, y esaki mas laat den aña lo tuma luga tambe na Aruba. Combersacionnan pa esaki ya caba ta tumando lugar unda cu lo por aplica “Mediation Naast Rechtsspraak” na final di e aña aki of comienso di 2017.
Pa loke ta trata finansas, 2016 tabata tin un aña positivo. Y esaki tabata tin di haber cu un cantidad di vacaturanan cu no por a wordo introduci y tambe personana cu a bay cu pensioen. Tambe tin e total di casonan, na 2016 tabata un aña cu a crece, no mucho, pero cu 4%, pero lastimamente no tin di haber cu casonan cu a tuma luga na Aruba, pero na Corsou y Bonaire.