BUENOS AIRES, Argentina – Marcelo Fabian Pecollo, un profesor di musica Argentino, kende na 2010 a wordo condena na 30 aña di prizon pa violacion di menor, a fayece dia 1 di December ultimo, victima di lesionnan provoca pa un grupo di manifestante cu a atak’e durante su participacion den un concierto den e Catedral di Moron, di Buenos Aires, medionan local a informa.
Pecollo a wordo acusa na 2007 pa viola cinco di su alumnonan di entre tres y ocho aña, tempo cu e tabata traha den Colegio Raices y Alas di e ciudad di Merlo. Sin embargo, tras e respectivo condena a wordo libera pa reduccion di pena na 2014 y actualmente a forma parti di e Orkesta di Moron di e Cosnervatorio Alberto Ginasta, tumando luga di e trompetista titular.
E hechonan cu a provoca morto di e profesor, a sosode dia 30 di October, ora cu mey mey di su interpretacion hunto cu e orkesta, el a wordo gepest pa varios persona di e publico, cu tabata tin tshirt cu e inscripcion “Con los chicos no” y cu tabata grita cu tabata tin un pedofiel den sala. Segun algun testigo, Pecollo a wordo golpia, incluso cu su propio trompet, dentro di e catedral y despues riba caya, te ora cu a caus’e traumanan severo cu a mante’e cerca di un luna hospitalisa.
Segun La Nacion ta señala, e sacerdotenan Jorge Oesterheld, kende a presencia e hechonan, a afirma cu entre e manifestantenan tabata tin algun famia di e victimanan. Aunke el a wordo yuda pa servicio di salud, e hematomanan produci pa e golpinan a provoca e musico drenta den un coma, y posteriormente, su morto.
Fuente: RT Noticias