Museo Madame Toussaud a actualisa su figuranan di wax di e magnate Donald Trump den tur su localidadnan rond mundo, faltando un dia e wordo huramenta como presidente nr. 45 di Merca.
Tur e museonan ya tin nan figura nobo di Trump, bisti den un set di bachi color blauw marino, dashi cora y na su rand di bachi, un pin cu e bandera di Merca. Segun e museo tabata lunanan di trabao duro, cu yudansa di mas di 20 artista cu a hasta pone e cabeynan, uno pa uno.
Esunnan cu kier wak e estatua nobo di Trump den Madame Toussaud, lo por haci esaki desde diabierna 20 di Januari. E mesun dia cu e Republicano ta tuma mando over di e pais mas poderoso na mundo.