Mundo henter ta condena atentado na Bogota

0

BOGOTA, Colombia – Terorismo no ta laga indiferente na ningun pais. Pesey, tras e atake di diasabra den e Centro Comercial Andino, cu a laga tres hende muhe morto y varios herido, diferente personalidad a manda un mensahe na e Colombianonan.
E presidente di Francia, Emmanual Macron, tabata un di e promenan. No tabata pa menos, un ciudadano Frances di 23 aña a muri durante e hechonan. “Un compatriota a perde su bida den un explosion. Tristesa y condolencia na su famianan,” e mandatario Frances a skirbi riba Twitter.
“Ante e acto di violencia nobo aki, e Gobierno di Chile ta reitera su conviccion cu no tin laga bo mes vence pa e temor y manifesta su rechaso na terorismo den cualkier di su formanan,” e canciyeria di Chile a bisa den un comunicado.
Di e mesun manera aki, e Gobierno di e socialista Michelle Bachelet a señala “e importancia di e procesonan di paz y di fortalece e cooperacion entre e Estadonan pa enfrenta hunto na e menasa aki.”
Uruguay tambe a rechasa e uzo di violencia y a expresa su solidaridad cu e pueblo y e Gobierno di Colombia, segun e texto.
“Ecuador ta expresa su solidaridad cu e pueblo y e Gobierno di Colombia y a rechasa e actonan violenci indiscrimina aki contra e poblacion civil,” e ministerio di Relacionnan exterior a apunta den un comunicado.
Y asina varios lider di e paisnan di e contintente Sur y Centro Americano y tambe Mexico, igualmente Europa, a expresa nan condolencia y sosten na Colombia cu e atentado aki, cualnan ta condena nan rechaso total na violencia.
Fuente: www.elespectador.com