Minister di Transporte y Comunicacion, Sr. Chris Romero, a biaha pa St. Lucia recientemente pa un reunion cu Ministernan di Caribe cu ta cay den Caribbean Postal Union (CPU). Esaki ta un union di diferente pais den Caribe cu kier yega na un solucion pa loke ta post.
E tema principal di e reunion tabata e-commerce cual ta negoshinan online. E idea principal ta pa haci Aruba e hup pa cu esaki. Ademas, e Minister a haci esfuerso pa Aruba haya directeurschap como secretary general di e union aki. E Minister a aproba pa Aruba postula su mes p’e posicion aki, pasobra e ta importante p’asina Aruba por tin un voz eyfo.
Segun Minister Romero, nan ta wak e potencial pa Aruba cu tin influencia rib’e otro islanan di Caribe y ta spera cu pa futuro por haci cambionan grandi y haci post winstgevend na Aruba.