E Balcanonan no tabata por a canta victora di clasificacion despues di e perde 1-2 contra di e Helviconan den e di dos buelta di grupo E.
E selección di Suisa a vence e selección Serbio 2 pa 1 diabierna na Kaliningrad, durante e di dos buelta di e fase di grupo den e mundial Rusia 2018. E duelo atractivo aki a cende e grupo di Brazil faltando un partido pa defini e clasificacion entre e tres ekiponan.
Serbia a adelanta e marcado na 5 minuut di e encuentro cu un cabesaso di Aleksandar Mitrovic. Sin embargo, e Suisonan a logra empata den e di dos tempo, cu un potente remate pafo di e area di Granit Xhaka na di 52 minuut.
E encuentro a keda empata durante henter e tempo reglamentario, cu oportunidadnan di gol pa ambos ekipo. Sin embargo, den extra tempo, un contragolpe di Xherdan Shaqiri y su definicion preciso dilanti e keeper Serbio a duna Suisa e victoria.
Di e forma aki, grupo E ta wordo lidera pa Brazil, cu ta conta cu’n gol di diferencia di +1 compara cu e seleccion Suiso, tambe cu cuater punto ariba e posicion. Serbia ta mantene su mes cu tres punto y Costa Rica a perde contra di Brazil, pues ta keda elimina di e torneo.