Danki na e victoria aki, e selección Portugues ta pasa pa lidera, p’aworaki, e Grupo B.
E selección di Portugal a sufri pa por a gana Marruecos 1-0, den un partido hunga diaranson na Moscu. Esaki tabata e di dos wega pa e Grupo B den e mundial di Rusia 2018.
Cristiano Ronaldo tabata e autor di e unico gol di e duelo emocionante aki, unda cu e Marrokinan no por a concreta varios hugada peligroso.
Faltando pa e di dos partido di e grupo aki, entre Spaña y Iran, Portugal ta lider cu 4 punto. Mientras cu Marruecos ta acumula su di dos derota den e torneo aki y practicamente ya e no tin posibilidad di clasifica pa e di dos ronda.
E Portuguesnan lo hunga nan ultimo encuentro di e fase di grupo cu e Iraninan dia 25 di juni proximo na Saransk, cu den teoria, lo ta un partido facil pa e selección lidera pa Cr7.
Pero e bala ta rondo, y tur cos por pasa ainda. E Mundial Rusia 2018, sigur a trece sorpresa y nada ta sigur (ainda).