MOSCU, Rusia- E ekipo Suramericano diahuebs lo enfrenta Senegal cu ilusion di gana y asina pasa pa e siguiente fase. E partido entre Belgica y Inglatera ta pa defini nan luga den grupo C.
E fase di grupo di mundial awe ta yega su final cu uno cu ta manera candela: tres ekipo buscando nan luga pa e siguiente fase. Japon y Senegal sa cu si nan gana of empata, nan lo pasa pa e siguiente fase. Pero Colombia, cu lo enfrenta Senegal, mester di un victoria pa sigura su continuidad na Rusia.
Asina ta, tur hende prepara nan calculator. E seleccion Suramericano, cu tres punto, lo topa cu Senegal, cu tin cuatro. Nan ta obliga na gana. Den caso di un empate, nan lo mester reza pa Polonia, cu ya caba ta elimina, gana di e Japonesnan, cu tambe tin cuater punto.
Den grupo G, cosnan ta mas miho y mas duidelijk. Inglatera, cu e goliado di e torneo Harry Kane y Belgica cu e delantero Romelu Lukaku, a gana nan dos partidonan, pa cual nan a suma 6 punto. Un dato curioso di e dos ekiponan aki ta cu, ademas, nan ta empata den diferencia di gol (+6), den golnan na fabor y otro tanto den contra. Es decir, esun cu gana diahuebs lo keda como lider y lo enfrenta e di dos di grupo H. Si tin empate, Fair Play lo dicidi, cual te na e momentona aki, ta beneficia e Tres Leonnan (Belgica).